పాలేరు రిజర్వాయర్​ నుంచి నీటిని విడుదల చేసిన మంత్రి

ఖమ్మం జిల్లా పాలేరు రిజర్వాయర్​ నుంచి రెండో జోన్​కు... మంత్రి పువ్వాడ అజయ్​ కుమార్​ నీటిని విడుదల చేశారు. ఈ దశాబ్ధకాలంలో ముందుస్తుగా నీటిని విడుదల చేయడం వల్ల ఆయకట్టు రైతులు హర్షం వ్యక్తం చేస్తున్నారు.

ఖమ్మం జిల్లా పాలేరు రిజర్వాయర్​ నుంచి రెండో జోన్​కు... మంత్రి పువ్వాడ అజయ్​ కుమార్​ నీటిని విడుదల చేశారు. ఖమ్మం జిల్లాలోని 17 మండలాల్లో 2.52 లక్షల ఎకరాలకు నాగార్జునసాగర్ జలాలు అందిచనున్నారు. వరినాట్లకు సిద్ధమవుతున్న రైతులకు ఈ నీటిని 25 రోజుల పాటు విడుదల చేయనున్నారు. తర్వాత వారబందీ విధానంలో ఇవ్వనున్నారు.

దశాబ్ధకాలంలో ముందస్తుగా నీటిని విడుదల చేయడం ఇదే తొలిసారి కావడం వల్ల రైతులు హర్షం వ్యక్తం చేస్తున్నారు. ప్రస్తుతం పాలేరు రిజర్వాయర్​కు నాగార్జునసాగర్ కెనాల్ నుంచి 25 వేల క్యూసెక్కుల నీరు వస్తుండగా... నీటిమట్టం 20 అడుగులకు చేరుకుంది. ఈ కార్యక్రమంలో ఎమ్మెల్యేలు కందాల ఉపేందర్ రెడ్డి, సండ్ర వెంకటవీరయ్య, రాములు నాయక్, జడ్పీ ఛైర్మన్​ లింగాల కమల్ రాజు, ఎన్నెస్పీ డీఈ మన్మధరావు, అధికారులు, ప్రజాప్రతినిధులు పాల్గొన్నారు.

ఇదీ చూడండి: నిమ్స్​లో కొనసాగుతున్న కొవాగ్జిన్ క్లినికల్ ట్రయల్స్