ఖమ్మం జిల్లా పరిషత్ సర్వసభ్య సమావేశానికి ముఖ్య అతిథిగా రవాణా శాఖ మంత్రి పువ్వాడ అజయ్కుమార్ పాల్గొన్నారు. ఛైర్మన్‌ లింగాల కమల్‌ రాజు అధ్యక్షతన నిర్వహించిన సమావేశంలో ఎమ్మెల్యే కందాల ఉపేందర్‌ రెడ్డి, ఎమ్మెల్సీ బాలసాని లక్ష్మీనారాయణ, జడ్పీటీసీలు, ఎంపీపీలు పాల్గొన్నారు.
కరోనా వైరస్ నివారణలో భాగంగా సభ్యులు లాక్డౌన్‌ నిబంధనలు పాటిస్తూ... భౌతిక దూరం పాటించారు. ప్రధానంగా కరోనా వైరస్ నివారణ కోసం ప్రభుత్వం తీసుకునే చర్యలకు మద్దతుగా తీర్మానం చేశారు. వానాకాలంలో అంటు వ్యాధులను అరికట్టే విధంగా పలు జాగ్రత్తలు తీసుకోవాలని నిర్ణయించారు. నియంత్రిత వ్యవసాయంపై చర్చించారు. సీఎం కేసీఆర్ ఆదేశాలకు అనుగుణంగా జిల్లాలో సాగును విజయవంతం చేయాలని నిర్ణయించారు.
