2 రూపాయలకే 20 లీటర్ల నీళ్లు

ఖమ్మం జిల్లా మాదాపురంలో మినరల్​ వాటర్​ ప్లాంట్​ ప్రారంభమైంది. అమృత ఫౌండేషన్, బెంగళూరు వారి సౌజన్యంతో యరబోలు అచ్చిరెడ్డి ఈ ప్లాంట్​ను ఏర్పాటు చేశారు.

ఖమ్మం జిల్లా మాదాపురంలో యరబోలు అచ్చిరెడ్డి మినరల్​ వాటర్​ ప్లాంట్​ ప్రారంభమైంది. ఈ కార్యక్రమానికి అమృత ఫౌండేషన్ మేనేజింగ్ డైరెక్టర్ పి.వెంకటేశ్వర రావు ముఖ్య అతిథిగా హాజరయ్యారు. వాటర్​ ప్లాంట్​ ఏర్పాటుకు వెంకటేశ్వరరావు 8 లక్షల రూపాయలు విరాళంగా అందించారు. ఈ ప్లాంట్​లో 20 లీటర్ల మంచి నీటిని కేవలం 2 రూపాయలకే అందిస్తున్నారు. గ్రామాభివృద్ధికి రాజకీయాతీతంగా తోడ్పడాలని సర్పంచ్ యరబోలు వేణుగోపాల్ రెడ్డి అన్నారు.

• ఇదీ చూడండి : కర్ణాటకీయం: నేడు సర్కారుకు బలపరీక్ష తప్పదా..?