సీఎం కేసీఆర్ కల్యాణలక్ష్మి, షాదీముబారక్ పథకాలను ప్రవేశపెట్టి నిరుపేదల కుటుంబాల్లో సంతోషాలు నింపారని ఖమ్మం ఎంపీ నామ నాగేశ్వరరావు పేర్కొన్నారు. ఎమ్మెల్యే సండ్ర వెంకట వీరయ్యతో కలసి ఆయన కల్లూరు మండలంలోని లబ్ధిదారులకు చెక్కులను పంపిణీ చేశారు.
ఎమ్మెల్యే సండ్ర కృషితో సత్తుపల్లి నియోజకవర్గంలోని అర్హులందరూ పలు సంక్షేమ పథకాల ద్వారా లబ్ధి పొందుతున్నారని నామ పేర్కొన్నారు. కొవిడ్ నేపథ్యంలో రాష్ట్రం ఆర్థిక నష్టాల్లో ఉన్నా.. అభివృద్ధి కార్యక్రమాలను మాత్రం ఆపలేదని గుర్తు చేశారు. కేసీఆర్ లాంటి సీఎం దొరకడం తమ అదృష్టమంటూ కొనియాడారు.
ఈ కార్యక్రమంలో ఆర్డీఓ సూర్యనారాయణ, ఏసీపీ వెంకటేష్ , తహసీల్దార్ మంగీలాల్, ఎంపీపీ రఘు, ఎంపీడీవో నవాబ్, తదితరులు పాల్గొన్నారు.
ఇదీ చదవండి: కల్యాణలక్ష్మి పథకం అక్రమాల్లో వెలుగుచూస్తున్న కొత్తకోణం
