'నేరుగా లబ్ధిదారులకు అందే అద్భుతమైన పథకం కల్యాణ లక్ష్మి'

ఖమ్మం జిల్లా సింగరేణిలో కల్యాణ లక్ష్మి, షాదీ ముబారక్​ చెక్కుల పంపిణీ కార్యక్రమం ఏర్పాటు చేశారు. ఎమ్మెల్యే రాములు నాయక్​ లబ్ధిదారులకు అందజేశారు.

దళారుల ప్రమేయం లేకుండా నేరుగా లబ్ధిదారులకు అందే అద్భుతమైన పథకం కల్యాణ లక్ష్మి అని వైరా ఎమ్మెల్యే రాములు నాయక్​ పేర్కొన్నారు. ఖమ్మం జిల్లా సింగరేణి మండల కేంద్రంలో అర్హులైన 61 మంది లబ్ధిదారులకు కల్యాణ లక్ష్మి, షాదీ ముబారక్​ చెక్కులు పంపిణీ చేశారు.

ముఖ్యమంత్రి కేసీఆర్​ ప్రవేశపెట్టిన ఈ పథకాలు పేదింటి ఆడబిడ్డలకు ఆర్థిక భరోసా కల్పిస్తున్నాయని ఎమ్మెల్యే పేర్కొన్నారు. ఈ పథకాలను సద్వినియోగం చేసుకోవాలని సూచించారు. కార్యక్రమంలో మార్క్​ఫెడ్ వైస్​ ఛైర్మన్​ రాజశేఖర్, జడ్పీటీసీ జగన్, ఎంపీపీ శకుంతల, తహసీల్దార్​ పుల్లయ్య, రెవెన్యూ అధికారులు, తదితరులు పాల్గొన్నారు.

ఇదీచూడండి.. సోమవారం తెలుగు రాష్ట్రాల రవాణాశాఖ అధికారుల భేటీ