వైరాలో ఈదురుగాలులతో కూడిన భారీ వర్షం

వైరాలో ఉదయం నుంచి ఎడతెరిపి లేకుండా ఈదురు గాలులతో కూడిన వర్షం కురుస్తోంది. దీంతో వాహనదారులు తీవ్ర ఇబ్బందులకు గురయ్యారు.

ఖమ్మం జిల్లా వైరాలో ఉదయం నుంచి ఈదురు గాలులతో కూడిన భారీవర్షం కురుస్తోంది. ఉదయం నుంచి కురుస్తున్న వానతో రోడ్లన్నీ జలమయమయ్యాయి. ఎడతెరిపిలేని వర్షం కారణంగా వాహనదారులు తీవ్ర ఇబ్బందులకు గురయ్యారు. పత్తి, వరి పొలాలు దెబ్బతిన్నాయి. చేతికందే పంట దెబ్బతినడంతో అన్నదాతలు ఆవేదన వ్యక్తం చేస్తున్నారు.