ఖమ్మం నగరంలో చెత్తను సేకరించేందుకు నూతనంగా 30 ట్రాలీ ఆటోలను రాష్ట్ర రవాణా శాఖ మంత్రి పువ్వాడ అజయ్ కుమార్ ప్రారంభించారు. పెవిలియన్ మైదానంలో జరిగిన ఈ కార్యక్రమంలో మేయర్ పాపాలాల్ సహ స్థానిక ప్రజాప్రతినిధులు, అధికారులు పాల్గొన్నారు. నగరంలో ఇప్పటివరకే 20 ఆటోలు ఉన్నాయని.. మరో 30 ఆటోలతో ప్రత్యేకంగా కేటాయించిన డివిజన్లలోని చెత్తను సేకరిస్తామని పురపాలక అధికారులు తెలిపారు.
ప్రజలంతా తడి, పొడి చెత్తలను వేర్వేరుగా వేసి పారిశుద్ధ్య కార్మికులు, పురపాలక సిబ్బంది పనిని సులభం చేయాలని మంత్రి కోరారు. ఇంట్లోని చెత్తను ఎప్పటికప్పుడు పారవేసి పరిసరాలను పరిశుభ్రంగా ఉంచుకోవాలని సూచించారు.
