Tummala Nageshwararao Comments: ఖమ్మం జిల్లా పాలేరు నియోజకవర్గాన్ని కులమతాలకు, పార్టీలకతీతంగా అభివృద్ధి చేశానని మాజీ మంత్రి తుమ్మల నాగేశ్వరరావు అన్నారు. నేలకొండపల్లి మండలం కొత్తకొత్తూరు గ్రామంలో ఓ ప్రైవేట్ కార్యక్రమంలో తుమ్మల పాల్గొన్నారు. ముఖ్యమంత్రి కేసీఆర్ ఇచ్చిన అవకాశంతో మీ ఆశీస్సులతో బై ఎలక్షన్లో గెలుపొంది మీ నియోజకవర్గంలోని గ్రామాల ముఖచిత్రాన్ని మార్చేశారన్నారు.
ఖమ్మం జిల్లాలో పది నియోజకవర్గాల అభివృద్ధి చేశా. ఈ నలభై సంవత్సరాలుగా అభివృద్ధి కోసం మాత్రమే రాజకీయం చేశా. రాజకీయం కోసం నేను రాజకీయం చేయలేదు.
-- తుమ్మల నాగేశ్వరరావు, మాజీ మంత్రి
పాలేరు నియోజకవర్గంలో అన్ని విధాల ప్రభుత్వ పథకాలను అమలు చేసి నియోజకవర్గ ప్రజల అవసరాలను తీర్చినట్లు తుమ్మల తెలిపారు. మూడు సంవత్సరాల్లో సాగునీటిని అందించి నియోజకవర్గ అభివృద్ధికి శక్తి వంచన లేకుండా పనిచేశానన్నారు. తద్వారా ఈ ప్రాంత భూముల ధరలకు రెక్కలు వచ్చాయిన్నారు. ప్రజా కోరికతో పార్టీ నిర్ణయంతో మళ్లీ మీ ముందుకొస్తానని ఉద్ఘాటించారు. పలు గ్రామాల్లో పర్యటించిన ఆయనకు అభిమానులు, ప్రజలు, పార్టీ కార్యకర్తలు స్వాగతం పలికారు.
ఇదీ చూడండి:
