ఖమ్మం జిల్లా వేంసూరు మండలం కల్లూరుగూడెంలో సత్తుపల్లి ఎమ్మెల్యే వెంకటవీరయ్య నిత్యావసరాలు పంపిణీ చేశారు. ఆశా కార్యకర్తలు, ఆటో డ్రైవర్లు, పూజారులు, పాస్టర్లు, ఇమాములు, బ్రాహ్మణులు మొత్తం 520 మందికి 3 లక్షల రూపాయల విలువైన సరుకులు అందజేశారు. సరుకుల పంపిణీకి రూ.1.40 లక్షలు ఆర్థిక సహాయం చేసిన శ్రీనివాస్ రెడ్డి, రాజేందర్ రెడ్డి అనే వ్యక్తులకు ఆయన కృతజ్ఞతలు తెలిపారు. ఆపత్కాలంలో అందరినీ ఆదుకోవాలనే ఆలోచనతోనే నిత్యావసరాలు పంపిణీ చేస్తున్నట్లు ఆయన తెలిపారు. ఈ నెల 18న సత్తుపల్లి నియోజకవర్గంలో 6 వేల మంది చేతివృత్తిదారులకు రూ. 40 లక్షల విలువైన నిత్యావసరాలను పంపిణీ చేయనున్నట్లు చెప్పారు.
ఇదీ చూడండి: 'కరోనా అయితే నాకేంటి? నా దగ్గరకు అది రాలేదు'
