ఖమ్మం జిల్లా సత్తుపల్లిలో సాయిస్ఫూర్తి సేవాసమితి ఆధ్వర్యంలో వైద్య సిబ్బందికి హైడ్రాక్సీ క్లోరోక్విన్, ఫ్లూవీర్ మాత్రలను ఎమ్మెల్యే సండ్ర వెంకటవీరయ్య అందజేశారు. వేంసూరు మండలం కందుకూర్లో రోగనిరోధక శక్తిని పెంపొందించే సీ విటమిన్ టాబ్లెట్లను సైతం పంపిణీ చేశారు.
నిరుపేదలకు ఎమ్మెల్యే సండ్ర వెంకటవీరయ్య అండగా ఉంటున్నారని సాయిస్ఫూర్తి సేవా సమితి అధ్యక్షుడు దాసరి ప్రభాకర్ రెడ్డి అన్నారు. నియోజకవర్గానికి ఎన్ని టాబ్లెట్లు అవసరమైనా... పంపిస్తామని ప్రభాకర్ రెడ్డి వెల్లడించారు. అనంతరం మొక్కజొన్న సీడ్స్ ఆర్గనైజర్ కొండపల్లి రమేష్ రెడ్డి రూ. 30,000 విలువైన శానిటైజర్లను విద్యుత్ శాఖ సిబ్బందికి ఎమ్మెల్యే చేత పంపిణీ చేయించారు. రూ.56 వేలు విలువైన బియ్యాన్ని 70 మంది నిరుపేదలకు పంపిణీ చేశారు.
