ఖమ్మం జిల్లా భాజపా కార్యాలయం వద్ద ఉద్రిక్తత నెలకొంది. ఆ పార్టీ కార్యకర్త గంగుల శ్రీనివాస్ మృతికి నిరసన తెలిపేందుకు కార్యకర్తలు పార్టీ కార్యాలయం నుంచి బయటికి వచ్చారు. కార్యాలయం ఎదుట వారిని అడ్డుకున్న పోలీసులు అరెస్టు చేసేందుకు యత్నించారు.
దీంతో ఆందోళనకారులు.. ముఖ్యమంత్రి కేసీఆర్ దిష్టిబొమ్మ దగ్ధం చేసేందుకు యత్నించారు. ఈ క్రమంలో పోలీసులు, ఆందోళనకారుల మధ్య ఉద్రిక్తత చోటు చేసుకుంది. ఖమ్మం బైపాస్ వైపుకు వెళ్లేందుకు యత్నించిన వారిని పోలీసులు అడ్డుకొని అదుపులోకి తీసుకున్నారు.
శాంతియుతంగా నిరసన తెలిపేందుకు యత్నిస్తున్న తమను ప్రభుత్వం అరెస్టు చేయడం అప్రజాస్వామికం అని భాజపా జిల్లా అధ్యక్షుడు ఆరోపించారు.
ఇదీ చదవండి: ప్రభుత్వ భూముల్లోని పేదల నివాసాల కూల్చివేత.. ఆందోళనలో బాధితులు
