ఖమ్మంలో మరో కరోనా పాజిటివ్​ కేసు నమోదు

ఖమ్మంలోని మరో కరోనా పాజిటివ్ కేసు నమోదైంది. విజయవాడకు చెందిన వ్యక్తి పట్టణంలోని తన అత్తారింటికి వచ్చాడు. కరోనా లక్షణాలు ఉండటం వల్ల అతను వైద్య పరీక్షలు చేయించుకోగా కరోనా పాజిటివ్​గా తేలింది. దీనివల్ల అధికారులు అప్రమత్తమయ్యారు.

ఖమ్మం జిల్లాలో కొత్తగా మరో కరోనా పాజిటివ్ కేసు నమోదైంది. నగరంలోని సరిత క్లినిక్ సెంటర్​లో ఓ వ్యక్తికి కరోనా సోకింది. అతను విజయవాడ చెందిన వ్యక్తి కాగా... ఇటీవల అత్తారింటికి వచ్చాడు. జ్వరం రావటం వల్ల అనుమానంతో పరీక్షలు నిర్వహించగా కరోనా పాజిటీవ్​గా తెలింది.

కుటుంబ సభ్యులను ఖమ్మం ప్రభుత్వ ఆసుపత్రిలోని కరోనా వార్డుకి తరలించి చికిత్స అందిస్తున్నారు. దీనివల్ల జిల్లాలో ఇంతవరకు నమోదైన కేసుల సంఖ్య 31కి చేరింది. ఆయా ప్రాంతాల్లో పారిశుద్ధ్య సిబ్బంది సోడియం హైపోక్లోరైడ్​ ద్రావణాన్ని పిచికారీ చేసి బ్లీచింగ్ చల్లారు. అధికారులు ఆ ప్రాంతాన్ని కంటైన్మెంట్ జోన్​గా ప్రకటించి దిగ్బంధించారు.