తుఫాన్​ వాహనాన్ని ఢీకొట్టిన లారీ... ఇద్దరు మృతి

చిన్నారికి పుట్టెంటుకలు తీయించేందుకు ఆ కుటంబం సంతోషంగా బయలుదేరింది. 15 మంది కలిసి భద్రాచలం వెళ్లేందుకు తుఫాన్ వాహనంలో పయనమయ్యారు. కానీ ప్రమాదం వీరిని వెంటాడింది. లారీ రూపంలో వీరి వాహనాన్ని ఢీకొంది. ఈ ఘటనలో ఇద్దరు అక్కడికక్కడే మృతి చెందాగా... ఆరుగురికి తీవ్రగాయాలయ్యాయి.

ఖమ్మం జిల్లా పాలేరు నియోజకవర్గంలోని నేలకొండపల్లి వద్ద రోడ్డు ప్రమాదం జరిగింది. తుఫాన్ వాహనాన్ని లారీ ఢీకొట్టిన ఘటనలో ఇద్దరు మృతి చెందారు. మరో ఆరుగురికి తీవ్రగాయాలయ్యాయి.

నాగర్​కర్నూల్ జిల్లా కోడేరు మండలం నరసాయిపల్లికి చెందిన 15 మంది భద్రాచలంలో తమ చిన్నారికి పుట్టెంటుకలు తీయించేందుకు తుఫాన్ వాహనంలో బయలుదేరారు. నేలకొండపల్లికి చేరుకోగానే వీరి వాహనాన్ని లారీ ఢీకొట్టింది. ఈ ఘటనలో ఇద్దరు మృతి చెందగా ఆరుగురికి గాయాలయ్యాయి. క్షతగాత్రులను నేలకొండపల్లి ప్రభుత్వ ఆస్పత్రికి తరలించారు. మృతదేహాలను ఖమ్మం ప్రభుత్వ ఆస్పత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు.

ఇవీ చూడండి: పరిశీలనకు వెళ్లి.. యంత్రంలో పడి ఇంజినీర్ మృతి