వైరా జలాశయంలో 14లక్షల చేపపిల్లల విడుదల

మత్స్యశాఖ ఆధ్వర్యంలో ఎమ్మెల్యే రాములు, జడ్పీ ఛైర్మన్ లింగాల కమల్​ రాజ్ పలువురు ప్రజాప్రతినిధులతో కలిసి వైరా జలాశయంలో 14 లక్షల చేపపిల్లలను విడుదల చేశారు.

ఖమ్మం జిల్లా వైరా జలాశయంలో మత్స్య శాఖ ఆధ్వర్యంలో 14 లక్షల చేపపిల్లలను విడుదల చేశారు. వైరా మత్స్య విత్తనోత్పత్తి కేంద్రంలో పెంచిన చేప పిల్లలను ఎమ్మెల్యే రాములు నాయక్, జడ్పీ ఛైర్మన్ లింగాల కమల్ రాజ్ ప్రజా ప్రతినిధులతో కలిసి చెరువులో పోశారు. రాష్ట్ర ప్రభుత్వం అన్ని వర్గాల ప్రజలకు సంక్షేమ ఫలాలు అందిస్తుందని... వీటిలో భాగంగానే మత్స్యకారులకు పెద్ద పీట వేశారని తెలిపారు. ప్రభుత్వం అందిస్తున్న సహకారంతో మత్స్యకారులు అభివృద్ధి చెందాలని జడ్పీ ఛైర్మన్ సూచించారు.