కరీంనగర్​ డిపో ఎదుట ఆర్టీసీ కార్మికుల అరెస్ట్

కరీంనగర్​ డిపో ఎదుట తెదేపా, కాంగ్రెస్ నేతల మద్దతుతో ఆర్టీసీ కార్మికులు ఆందోళన చేపట్టగా.. పోలీసులు వారిని అదుపులోకి తీసుకుని స్థానిక పీఎస్​కు తరలించారు.

తమ సమస్యలు పరిష్కరించాలంటూ కరీంనగర్​లో ఆర్టీసీ కార్మికులు చేస్తున్న సమ్మె 43వ రోజుకు చేరుకుంది. ఉద్యోగులు ఆత్మహత్యలు చేసుకున్నా సర్కారు స్పందించకపోవడం వల్ల కార్మికులు ఆందోళన బాటపట్టారు. కరీంనగర్​ బస్టాండ్ ముందు కార్మికులు, తెదేపా, కాంగ్రెస్​ నాయకులు ధర్నా చేపట్టారు. డిపోలోంచి బస్సులు బయటకు రాకుండా అడ్డుకునే ప్రయత్నం చేశారు. ఆందోళనకారులను, ఉద్యోగులను పోలీసులు అరెస్ట్​ చేసి స్థానిక స్టేషన్​కు తరలించారు.

ఇదీ చదవండిః ఆర్టీసీ ఐకాస తగ్గినా.. ప్రభుత్వ స్పందన లేదు..?