భాజపా రాష్ట్ర అధ్యక్షుడు, ఎంపీ బండి సంజయ్ దీక్షను కొనసాగిస్తున్నారు. సిద్దిపేట సీపీని సస్పెండ్ చేసి, కేసు నమోదుచేయాలన్న డిమాండ్తో.. కరీంనగర్లోని ఎంపీ కార్యాలయంలోనే నిరసన కొనసాగిస్తున్నారు. సీపీని సస్పెండ్ చేసే వరకూ దీక్ష విరమించబోనని సంజయ్ స్పష్టం చేశారు.
సోమవారం.. దుబ్బాక భాజపా అభ్యర్థి రఘునందన్రావు బంధువుల ఇంట్లో సోదాలు జరిగాయి. పరామర్శించేందుకు దుబ్బాక బయలుదేరిన బండి సంజయ్ను.. సిద్దిపేట శివార్లలోనే పోలీసులు అరెస్ట్ చేశారు. తనను అరెస్ట్ చేసే క్రమంలో సిద్దిపేట సీపీ జోయల్ డేవిస్... చేయి చేసుకున్నారని సంజయ్ ఆరోపించారు. పార్లమెంట్ సభ్యుడు, భాజపా రాష్ట్ర అధ్యక్షుడినని చూడకుండా దురుసుగా ప్రవర్తించారని ఆవేదన వ్యక్తం చేశారు. జోయల్ డేవిస్‌పై చర్యలు తీసుకోవాలంటూ దీక్షకు దిగారు.
భాజపా శ్రేణులు ప్రగతి భవన్ ముట్టడించే అవకాశం ఉందన్న ఊహాగానాల నేపథ్యంలో ఎమ్మెల్సీ రాంచందర్రావు, డీకే అరుణ, ఇతర నేతల ఇళ్ల వద్ద పోలీసులు భారీగా మోహరించారు. వారు బయటకు రాకుండా గృహ నిర్బంధం చేశారు. పోలీసుల ఆంక్షలపై ఎమ్మెల్సీ రాంచందర్రావు ఆగ్రహం వ్యక్తం చేశారు. ప్రగతిభవన్ వద్ద కూడా పోలీసులు భారీగా మోహరించారు.
ఇవీచూడండి: దుబ్బాకలో వేడెక్కిన రాజకీయం... రణరంగంగా సిద్దిపేట
