కరీంనగర్‌ జిల్లా హుజూరాబాద్‌లో టైగర్‌ పంచ్‌ కరాటే క్లబ్ ఆధ్వర్యంలో 6వ రాష్ట్రస్థాయి కరాటే పోటీలను నిర్వహించారు. స్థానిక ప్రతాప సాయి గార్డెన్‌లో ఈ పోటీలను ఏర్పాటు చేశారు. వివిధ జిల్లాల నుంచి విద్యార్థులు పోటీలల్లో పాల్గొనేందుకు వచ్చారు. మూడు టేబుళ్లను ఏర్పాటు చేశారు. బాలబాలికలకు వేర్వేరుగా పోటీలను నిర్వహించారు.
కటాస్‌, స్పారింగ్‌ అంశాలలో గెలుపొందిన విద్యార్థులకు ధ్రువీకరణ పత్రాలతో పాటు పతకాలను అందించారు. ఈ పోటీలకు వివిధ జిల్లాల నుంచి సుమారు 400 మంది విద్యార్థులు హాజరైనట్లు టైగర్‌ పంచ్‌ కరాటే క్లబ్ అధ్యక్షులు బూసారపు బాపురావు వెల్లడించారు. పోటీల్లో పాల్గొన్న విద్యార్థులకు అన్ని రకాల వసతులను కల్పించినట్లు ఆయన పేర్కొన్నారు. ఈ పోటీలను తిలకించేందుకు స్థానికులు పెద్ద ఎత్తున తరలి వచ్చారు.
ఇవీ చూడండి: ప్రణయ్ హత్య కేసులో నిందితుడు మారుతీరావు ఆత్మహత్య
