వాళ్లంతా తెలంగాణ చరిత్రను వక్రీకరిస్తున్నారు: బండి సంజయ్​

తెరాస, కాంగ్రెస్​, కమ్యూనిస్టులు తెలంగాణ చరిత్రను వక్రీకరిస్తున్నారని ఎంపీ బండి సంజయ్​ ఆరోపించారు. తెలంగాణ వైభవాన్ని చాటిచెప్పేందుకు.. తెలంగాణ వైభవం పేరుతో కరీంనగర్​లో సదస్సు నిర్వహిస్తున్నట్లు తెలిపారు. కరపత్రాలను విడుదల చేశారు.

రాజకీయ కోణంతో తెరాస, కాంగ్రెస్, కమ్యూనిస్టుసు తెలంగాణ చరిత్రను వక్రీకరిస్తున్నారని కరీంనగర్​ ఎంపీ బండి సంజయ్​ ఆరోపించారు. ప్రజ్ఞాభారతి, ఇతిహాస సంకలన సమితి సంయుక్త ఆధ్వర్యంలో ఈనెల 20,21,22 తేదీల్లో నిర్వహిస్తున్న తెలంగాణ వైభవం సదస్సు కరపత్రాలను ఆయన ఆవిష్కరించారు. శాతవాహనుల కాలంలోనే తెలంగాణ ఎంతో వైభవంతో వెలుగొందిందని ఎంపీ పేర్కొన్నారు. ఆ రోజుల్లోనే అన్ని రంగాల్లో అభివృద్ధి పతాక స్థాయికి చేరుకుందని తెలిపారు. మరుగునపడిన చరిత్ర, సాహిత్యాలను వెలికితీసే విధంగా.. అధ్యయనాలను ప్రోత్సహించేందుకు ఈ సదస్సు ముఖ్య భూమిక పోషిస్తుందని ఎంపీ వెల్లడించారు. మైనార్టీల ఓట్ల కోసమే తెరాస ప్రభుత్వం విమోచన దినోత్సవాన్ని నిర్వహించడం లేదని ఆరోపించారు.

ఇవీ చూడండి: తెలంగాణ వీరనారి... చాకలి ఐలమ్మ జీవితం స్ఫూర్తిదాయకం