కరీంనగర్ జిల్లా చొప్పదండి పురపాలక సంఘ ఎన్నికల్లో ఓటర్లను ఆకట్టుకోవటమే ధ్యేయంగా నాయకులు కొత్త తరహాలో ప్రచారం చేస్తున్నారు. ఎమ్మెల్యే సుంకే రవిశంకర్ ఇంటింటికీ తిరుగుతూ ప్రచారం నిర్వహిస్తున్నారు.
ఓ ఓటరు తన ఇంటి నిర్మాణం పనులు చేపడుతుండగా సాయం చేసేందుకు కొంత సేపు ఎమ్మెల్యే కూలి అవతారమెత్తారు. పార చేతబట్టి ఇసుక ఎత్తి సాయం చేశారు.
మరోచోట చెప్పుల దుకాణంలో యజమానిని మెప్పించేందుకు చెప్పులు కుట్టి ఓటు అభ్యర్థించారు. ఇలా 14 వార్డులో అభ్యర్థులను వెంట తీసుకొని ఇంటింటికీ వెళ్లి తెరాస అభ్యర్థులను గెలిపించాలని కోరుతున్నారు. ఎన్నికల తేదీ సమీపిస్తుండటం వల్ల అభ్యర్థులు, నేతలు తమ ప్రచారాన్ని ఉద్ధృతం చేస్తున్నారు.
ఓట్ల కోసం చెప్పులు కుట్టాడు... మట్టి మోశాడు..
ఇవీ చూడండి: ఎల్బీనగర్-మియాపూర్ మార్గంలో నిలిచిన మెట్రో రైలు
