'ఆ విషయంలో షర్మిల అభిప్రాయం చెప్పాలి'

రాష్ట్రంలో తండ్రి లాంటి ముఖ్యమంత్రి కేసీఆర్​ ఉన్నడు.. కోడలు అవసరం లేదని బీసీ సంక్షేమ శాఖ మంత్రి గంగుల కమలాకర్ దుయ్యబట్టారు. పోలవరం నిర్మాణం సమయంలో బలవంతంగా రాష్ట్రంలోని ఏడు మండలాలను లాక్కున్నారని అన్నారు. అవి తెలంగాణకు ఇప్పించే విషయంలో అభిప్రాయం చెప్పారలని వైఎస్​ షర్మిలను మంత్రి గంగుల ప్రశ్నించారు.

రాష్ట్రంలో అభివృద్ది కోసం తండ్రి లాంటి కేసీఆర్ ఉన్నారని.. తమకు తెలంగాణ కోడలు అని చెప్తున్న వైఎస్​ షర్మిల అసలే అవసరం లేదని బీసీ సంక్షేమ శాఖ మంత్రి గంగుల కమలాకర్ ఎద్దేవా చేశారు.

తాను తెలంగాణ కోడలినని చెప్పి రాజకీయాలు చేస్తానంటున్న వైఎస్​ షర్మిల ముందు పోలవరంపై అభిప్రాయం చెప్పాలని డిమాండ్‌ చేశారు. పోలవరం ప్రాజెక్టు కోసం తెలంగాణలోని ఏడు మండలాలను ఆంధ్రప్రదేశ్‌లో బలవంతంగా కలుపుకున్నారని ఆయన విమర్శించారు. వైఎస్​ షర్మిల పాదయాత్రను అక్కడి నుంచి ప్రారంభించి ఏడు మండలాలను ఇప్పించి రాజకీయ పార్టీ పెట్టాలని డిమాండ్ చేశారు.

ఇదీ చూడండి : ఛైర్​పర్సన్ ఎమ్మెల్సీ ఓటుపై గందరగోళం