కరీంనగర్‌ జిల్లా వీణవంక మండలం మామిడాలపల్లికి చెందిన ఐలవేని వెంకటేశ్‌ కుమారుడు అక్షిత్‌పై ఈ నెల 17న వీధి కుక్కలు దాడి చేశాయి. ఈ ప్రమాదంలో అక్షిత్‌ తీవ్రంగా గాయపడ్డాడు. చికిత్స నిమిత్తం కరీంనగర్‌లోని ఓ ప్రైవేటు ఆసుపత్రికి తరలించగా.. అక్కడి నుంచి హైదరాబాద్‌లోని ఓ ప్రైవేటు ఆసుపత్రికి తరలించారు.
చికిత్స నిమిత్తం ఖర్చులకు గాను వైద్యారోగ్యశాఖ మంత్రి ఈటల రాజేందర్ వెంకటేశ్‌కు రూ. 4లక్షల చెక్కును అందించారు. ఆసుపత్రి వైద్యులతో మంత్రి ఈటల మాట్లాడారు. నాణ్యమైన వైద్య సేవలను అందించాలని ఆదేశించారు. త్వరలో బాలుడు కోలుకోవాలని ఆకాక్షించారు. ఈ సందర్భంగా మంత్రి ఈటలకు వెంకటేశ్‌ కుటుంబీకులు కృతజ్ఞతలు తెలిపారు.
ఇదీ చూడండి: తెలంగాణలో ఎంతశాతం మంది కరోనాను జయించారో తెలుసా?
