హరితహారం కార్యక్రమంలో పాల్గొన్న మంత్రి ఈటల

కరీంనగర్​ జిల్లా హుజురాబాద్​ పోలీసుల ఆధ్వర్యంలో చేపట్టిన హరితహారం కార్యక్రమంలో మంత్రి ఈటల రాజేందర్​ పాల్గొన్నారు. ఏసీపీ కార్యాలయ ఆవరణలో మంత్రి మెుక్కలు నాటారు. ప్రతి ఒక్కరూ మెుక్కలు నాటి కాపాడాలని సూచించారు.

కరీంనగర్‌ జిల్లా హుజూరాబాద్‌ పోలీసుల ఆధ్వర్యంలో హరితహారం కార్యక్రమాన్ని ఏర్పాటు చేశారు. హుజూరాబాద్‌ ఏసీపీ కార్యాలయ ఆవరణలో నిర్వహించిన ఈ కార్యక్రమంలో మంత్రి ఈటల రాజేందర్‌ పాల్గొని మొక్కలు నాటారు. అనంతరం పోలీసు సిబ్బంది, వాలంటీర్లు సుమారు 200 మొక్కలను నాటారు.

హరితహారం కార్యక్రమం చాలా గొప్ప కార్యక్రమమని మంత్రి అన్నారు. ప్రతి ఒక్కరు ఈ కార్యక్రమంలో పాల్గొనాలని మంత్రి ఈటల సూచించారు. నాటిన ప్రతి మొక్కను కాపాడాలని సూచించారు. ఈ కార్యక్రమంలో సీఐలు వాసంశెట్టి మాధవి, ఎర్రల కిరణ్‌, ఎస్సై శ్రీనివాస్‌, అటవీశాఖ అధికారులు, ప్రజాప్రతినిధులు, తెరాస నాయకులు, పోలీసు సిబ్బంది పాల్గొన్నారు.

ఇవీ చూడండి: రైతులను ప్రోత్సహిస్తేనే... ఆదాయం పెరుగుతుంది