కరీంనగర్ జిల్లా కొత్తపల్లి మండలం చెరువు కట్టపై ట్యాంక్ బండ్ నిర్మాణానికి శంకుస్థాపన చేసి అలసత్వం చూపిస్తున్నారని భాజపా నాయకులు ఆందోళన బాట పట్టారు. జగిత్యాల రహదారిపై రాస్తారోకో నిర్వహించారు. గత నాలుగు సంవత్సరాల కింద 5 కోట్లతో మినీ ట్యాంక్ బండ్ నిర్మాణానికి అప్పటి నీటిపారుదల శాఖ మంత్రి హరీష్ రావు శంకుస్థాపన చేశారు. ఇంతవరకు పనులు చేపట్టక పోవడంతో ఆందోళనకు దిగినట్లు భాజపా నాయకులు తెలిపారు. తమ గ్రామంలో చెరువు కట్టపై ట్యాంక్బండ్ నిర్మాణం పూర్తైతే గ్రామము పర్యాటక ప్రాంతంగా అభివృద్ధి చెందుతుందని ఆశపడ్డ గ్రామస్తులకు నిరాశే మిగిలిందని కార్యకర్తలు వాపోయారు.
'మినీ ట్యాంక్బండ్ నిర్మాణం పూర్తి చేయాలి'
