కరీంనగర్​లో కేసీఆర్​ దిష్టిబొమ్మ దగ్ధం

యాదాద్రి దేవాలయంలో ముఖ్యమంత్రి కేసీఆర్ చిత్రపటాన్ని, తెరాస పార్టీ గుర్తును తొలగించాలని నిరసనకు దిగిన కార్యకర్తలను అరెస్ట్ చేయడాన్ని కరీంనగర్​లో భజరంగ్​దళ్​ కార్యకర్తలు తప్పుబట్టారు. ముఖ్యమంత్రి దిష్టిబొమ్మను దహనం చేశారు.

యాదాద్రి లక్ష్మీనరసింహస్వామి దేవాలయ శిలలపై ముఖ్యమంత్రి కేసీఆర్​ చిత్రపటాన్ని, తెరాస పార్టీ గుర్తు, ప్రభుత్వ పథకాలను తొలగించాలని రాష్ట్రవ్యాప్తంగా నిరసనకు దిగిన కార్యకర్తలను అరెస్టు చేసినందుకు కరీంనగర్లో​ భజరంగ్​దళ్​ కార్యకర్తలు ఆందోళనకు దిగారు. తెలంగాణ చౌక్​లో ముఖ్యమంత్రి కేసీఆర్​ దిష్టిబొమ్మను దగ్ధం చేశారు. అక్రమంగా అరెస్టు చేసిన కార్యకర్తలను వెంటనే వదిలిపెట్టాలని డిమాండ్ చేశారు. లేనిపక్షంలో రాష్ట్రవ్యాప్తంగా ఆందోళనను మరింత ఉద్ధృతం చేస్తామని హెచ్చరించారు.