సంక్రాంతిని పాడిపంటలతో రైతులు సంతోషంగా గడుపుతారు. వారికి జీవనాధారమైన పశువులపై వారి మమకారం వెల కట్టలేనిది. వాటిని అందంగా అలంకరించి కాటిరేవుల ఉత్సవాన్ని కరీంనగర్ జిల్లా చొప్పదండి నియోజకవర్గ గ్రామాల ప్రజలు ఘనంగా నిర్వహించారు.
పండుగ రోజున రైతులు తమ పాడి పశువులను ముస్తాబు చేసి పోటీ పడే వేదిక వద్దకు తీసుకొచ్చారు. సంప్రదాయక పద్ధతిలో పశువుల కాపరిని వాటి చుట్టూ పరిగెత్తించారు. ఈ ఉత్సవంలో చివరగా పాడి పశువులకు పరుగుపందెం పోటీలు నిర్వహిస్తారు. రామడుగు, గంగాధర, చొప్పదండి మండలాల్లో కాటి రేవుల పండగను ఎంతో ఆనందంగా జరుపుకుంటారు.
