కరీంనగర్​లో ఉద్రిక్తత... తెరాస, భాజపా నేతల బాహాబాహీ

కరీంనగర్​లో తెరాస నేతలు ఆందోళన చేపట్టిన నేపథ్యంలో భాజపా నేతలు అడ్డుకునేందుకు యత్నించారు. తెరాస, భాజపా నేతల మధ్య తోపులాట ఉద్రిక్తతకు దారి తీసింది. వెంటనే అప్రమత్తమైన పోలీసులు ఇరు వర్గాలను చెదరగొట్టారు.

భాజపా రాష్ట్ర అధ్యక్షుడు బండి సంజయ్ అనుచిత వ్యాఖ్యలను నిరసిస్తూ కరీంనగర్​లో తెరాస చేపట్టిన ఆందోళన ఉద్రిక్తతకు దారితీసింది. నగరంలోని తెలంగాణ చౌక్​లో తెరాస నాయకులు నిరసన చేపట్టారు. అదే సమయంలో అక్కడికి చేరుకున్న భాజపా కార్యకర్తలు వారిని అడ్డుకునే ప్రయత్నం చేశారు.

ఫలితంగా ఇరువర్గాల మధ్య తోపులాట ఉద్రిక్తతకు దారితీసింది. పోలీసులు సంఘటనా స్థలికి చేరుకొని ఇరువర్గాలను చెదరగొట్టే ప్రయత్నం చేశారు. ఆందోళనకారులను పోలీస్ స్టేషన్​కు తరలించారు.

ఇదీ చదవండి: తరుముకొస్తోంది మనువు.. తల్లడిల్లుతోంది తనువు!