'రవాణా రంగ కార్మికులకు ఆర్థికసాయం చేయాలి'

కరోనా వల్ల ఇబ్బందులు ఎదుర్కొంటున్న రవాణా రంగ కార్మికులకు ప్రభుత్వం 3 నెలలపాటు రూ.7500 అందించాలని సీఐటీయూ కార్మికులు కరీంనగర్​లో డిమాండ్​ చేశారు. అనంతరం జిల్లా ఉప రవాణా శాఖ అధికారి పుప్పాల శ్రీనివాస్​కు వినతి పత్రాన్ని అందజేశారు.

కరోనా వల్ల ఇబ్బంది పడుతున్న 12 లక్షల మంది రవాణా రంగ కార్మికులకు ప్రభుత్వం ఆర్థికసాయం అందించాలని సీఐటీయూ కార్మికులు కరీంనగర్​లో నిరసన చేశారు. ఉపాధి లేక కార్మికుల కుటుంబాలు ఆకలి చావులు అనుభవిస్తున్నారని జిల్లా కార్యదర్శి ఎడ్ల రమేష్ తెలిపారు.

కార్మికులకు నెలకు రూ.7500 ఆర్థికసాయాన్ని 3 నెలలపాటు అందించాలని డిమాండ్ చేశారు. ప్రైవేట్ అప్పులపై 6 నెలల పాటు మారిటోరియం విధించాలని సూచించారు. కరోనా సాకుతో డ్రైవర్స్​ను తొలగిస్తున్న ప్రైవేట్​ యాజమానులపై చర్యలు తీసుకోవాలని కోరారు. అనంతరం జిల్లా ఉప రవాణా శాఖ అధికారి పుప్పాల శ్రీనివాస్​కు వినతి పత్రాన్ని అందజేశారు.