నిరుపేదలకు ఆసరాగా సంక్షేమ పథకాలు: సుంకె రవి శంకర్​

కరీంనగర్​ జిల్లాలో కల్యాణ లక్ష్మీ, షాదీ ముబారక్​ చెక్కులను లబ్ధిదారులకు ఎమ్మెల్యే సుంకె రవిశంకర్​ అందజేశారు. సంక్షేమ పథకాల ద్వారా నిరుపేదలకు ప్రభుత్వం ఆసరాగా నిలుస్తోందని ఆయన పేర్కొన్నారు.

కరీంనగర్ జిల్లా చొప్పదండి పట్టణంలో 61 మంది కల్యాణ లక్ష్మీ, షాదీ ముబారక్ లబ్ధిదారులకు రూ. 61 లక్షల 51 వేల చెక్కులను ఎమ్మెల్యే సుంకె రవిశంకర్ అందజేశారు. సంక్షేమ పథకాల అమలులో దేశంలోనే తెలంగాణ ప్రత్యేకతని చాటుకుంటోందని ఎమ్మెల్యే​ అన్నారు. ఈ పథకాలు నిరుపేదలకు ఎంతగానో ఆసరాగా నిలుస్తున్నాయని తెలిపారు.

ప్రజలకు కావాల్సిన సదుపాయాలపై ప్రత్యేక శ్రద్ధ చూపి సమస్యలకు ప్రభుత్వం శాశ్వత పరిష్కారం చూపుతోందని పేర్కొన్నారు.

ఇదీ చదవండి: 'మా గోడును వినండి... మమ్మల్ని ఆదుకోండి'