కరీంనగర్ జిల్లా తిమ్మాపూర్ మండలం నల్లగొండ శ్రీలక్ష్మీ నరసింహస్వామి ఆలయ అభివృద్ధికి తన వంతుగా కృషి చేస్తానని భాజపా రాష్ట్ర అధ్యక్షుడు బండి సంజయ్ కుమార్ తెలిపారు. లక్ష్మీ నరసింహున్ని దర్శించుకొని ప్రత్యేక పూజలు నిర్వహించి.. మొక్కులు చెల్లించుకున్నారు. బండి సంజయ్కి ఆలయ కమిటీ ఛైర్మన్ దన్నమనేని శ్రీనివాసరావు, ఆలయ ఈఓ ముద్దసాని శంకరయ్య శాలువా కప్పి సత్కరించారు.
రాష్ట్ర ప్రజలు, రైతులు లక్ష్మీనరసింహస్వామి కృపతో బాగుండాలని కోరుకున్నట్లు బండి సంజయ్ తెలిపారు. ఈ కార్యక్రమంలో భాజపా మండల అధ్యక్షులు సుగుర్తి జగదీశ్వరా చారి, సీనియర్ నాయకులు తమ్మిశెట్టి మల్లయ్య, జిల్లా అధికార ప్రతినిధి బొంతల కల్యాణ్ చంద్ర, నాయకులు సొల్లు అజయ్ వర్మ, కార్యకర్తలు పాల్గొన్నారు.
ఇదీ చదవండి : వరి ధాన్యం కొనుగోళ్లపై సీఎం కేసీఆర్ కీలక నిర్ణయం
