వ్యాక్సిన్​ వేసుకోకున్నా.. వేసుకున్నట్లు సందేశం

కొవిడ్​ వ్యాక్సిన్​ వేసుకోవడానికి వెళ్లిన ఓ వ్యక్తికి వింత అనుభవం ఎదురైంది. వ్యాక్సిన్​ వేసుకోకున్నా.. వేసుకున్నట్లు చరవాణికి సందేశం వచ్చింది. ఈ ఘటన కరీంనగర్​లో జరిగింది.

కరీంనగర్​కు చెందిన ఘనశ్యామ్ ఓజా అనే వ్యక్తి వ్యాక్సిన్​ వేసుకోవడానికి ఆన్​లైన్​లో స్లాట్​ బుక్​ చేసుకున్నారు. 12 తేదీ మధ్యాహ్నం 12 గంటల నుంచి 2 గంటల మధ్య టీకా వేయించుకోవడానికి రావాలని చరవాణికి సందేశం వచ్చింది. అదే సమయానికి ఘనశ్యామ్ ఓజా ఆస్పత్రికి వెళ్లారు.

వ్యాక్సిన్​, టీకా

కానీ... అప్పటికే వ్యాక్సిన్​ వేసుకున్నట్లు మొబైల్​కు మెసేజ్​ వచ్చింది. ఈ సందేశంతో అవాక్కైన ఘనశ్యామ్ ఆస్పత్రి సిబ్బందిని ప్రశ్నించారు. తన ఆధార్ కార్డుతో పాటు మొబైల్ వినియోగించి టీకా తీసుకున్న వారితో పాటు సహకరించిన వారిపై చర్య తీసుకోవాలని ఘనశ్యామ్ ఓజా డిమాండ్ చేశారు.

ఇదీ చదవండి: రాష్ట్రంలో మరో 3,052 కరోనా కేసులు, 7 మరణాలు