సూర్యాపేట జిల్లా చిలుకూరు సమీపంలోని ఇంజినీరింగ్ కళాశాల రోడ్డుప్రమాదం సంభవించింది. గ్రామానికి చెందిన 22 మంది మిరప కూలీలు చింతలపాలెం గ్రామానికి పనికి వెళ్తున్నారు. ఇంజినీరింగ్ కళాశాల వద్దకు రాగానే ఒక్కసారిగా ట్రాక్టర్ బోల్తా పడింది. ఈ ప్రమాదంలో ఐదుగురికి తీవ్ర గాయాలయ్యాయి. మిగితావారికి స్వల్ప గాయాలయ్యాయి.
ఘటనా స్థలికి పోలీసులు చేరుకొని క్షతగాత్రులను హుజూర్నగర్ ప్రభుత్వ ఆసుపత్రికి తరలించారు. డ్రైవర్ అతివేగమే ప్రమాదానికి కారణమని పోలీసులు వెల్లడించారు. కేసు నమోదు చేసి దర్యాప్తు చేపట్టారు.
మిరప కూలీల ట్రాక్టర్ బోల్తా... ఐదుగురికి తీవ్రగాయాలు
