తప్పిపోయిన బిడ్డను తల్లి ఒడికి చేర్చిన డయల్​ 100

బాబు తప్పిపోయాడు. ఎంత వెతికినా దొరకలేదు. దిక్కుతోచని స్థితిలో ఆ తల్లిదండ్రులు ​100కి కాల్​ చేశారు. స్పందించిన పోలీసులు బిడ్డను తల్లి ఒడికి చేర్చారు. ఈ ఘటన కరీంనగర్​ జిల్లాలో చోటుచేసుకుంది.

హైదరాబాద్​ బోయిన్​పల్లికి చెందిన అర్జున్​(4) తన తల్లిదండ్రులతో కలిసి కరీంనగర్​కు వెళ్లారు. బస్టాండ్​లో రద్దీగా ఉన్న సమయంలో అర్జున్ తప్పిపోయాడు. తల్లికోసం ఏడుస్తూ తిరుగుతుండగా.. గమనించిన పోలీస్​ పెట్రోలింగ్​ సిబ్బంది ఆ బాబుని తీసుకుని... అతని తల్లిదండ్రుల కోసం వెతకడం ప్రారంభించారు.

సుమారు అరగంట తర్వాత బాబు తల్లిదండ్రులు డయల్​ 100కు కాల్​ చేయగా అప్రమత్తమైన పోలీస్​ కంట్రోల్​రూమ్​ సిబ్బంది రాత్రి విధుల్లో ఉన్న పెట్రోలింగ్​ అధికారులకు సమాచారం ఇచ్చారు. తల్లిదండ్రులను పిలిపించి అర్జున్​ను అప్పగించారు.

ఈ కథనం చదవండి: ఆపన్న హస్తం కోసం ఎదురుచూపు