యూరియా కోసం రైతులకు తప్పని కష్టాలు

ఉమ్మడి నిజామాబాద్​ జిల్లాలో రైతులు యూరియా కోసం మూడు రోజులుగా ధర్నాలు, రాస్తారోకోలు చేస్తూ నిరసన తెలుపుతున్నారు. ప్రభ్వుత్వం ఇప్పటికైనా స్పందించాలని వారు కోరుతున్నారు.

ఉమ్మడి నిజామాబాద్​ జిల్లాలో యూరియా కోసం ఆందోళనలు కొనసాగుతున్నాయి. రైతులు ధర్నాలు, రాస్తారోకోలతో తమ నిరసన తెలుపుతున్నారు. మోపాల్​ మండల కేంద్రంలో యూరియా ఇవ్వట్లేదని అన్నదాతలు రోడ్డుపై బైఠాయించి ధర్నా చేశారు. కామారెడ్డి జిల్లాలో మూడు రోజులుగా సొసైటీ వద్ద రైతులు బారులు తీరుతున్నారు. పెద్ద సంఖ్యలో చేరుకుంటున్నందున కర్షకులకు యూరియా దొరకడం లేదు. తక్కువ మందికి సరిపడే యూరియా లోడ్​ రావటం పట్ల అసహనం వ్యక్తం చేస్తున్నారు. ప్రభుత్వం వెంటనే స్పందించి ఈ సమస్యను పరిష్కరించాలని డిమాండ్ చేస్తున్నారు.

ఇదీ చదవండిః రికార్డు: 73 ఏళ్ల బామ్మకు కవల పిల్లలు