ఉదయం 11 దాటిపోయినా ప్రభుత్వ కార్యాలయానికి అధికారులు రాకపోవడం వల్ల తాళం తీసే దిక్కు లేకుండా పోయింది. సమయం మించి పోతుండటం వల్ల చేసేదేమీ లేక సిబ్బంది తాళం పగులగొట్టి కార్యాలయం లోనికి వెళ్లారు. ఈ సంఘటన కామారెడ్డి జిల్లా గాంధారి ఎంపీడీవో కార్యాలయంలో చోటుచేసుకుంది. నేడు కార్యాలయం వద్దకు వివిధ పనుల నిమిత్తం కొంత మంది ప్రజలు అక్కడికి చేరుకున్నారు. ఉదయం 11:30 కావొస్తున్నా ఒక్క అధికారి కూడా కార్యాలయానికి రాలేదు.
పైగా కార్యాలయానికి తాళం వేసి ఉండటం వల్ల ఈ రోజు ఆఫీస్ సెలవేమో అని ప్రజలు భావించారు. కానీ అంతలోనే కార్యాలయ సిబ్బంది వచ్చి ఓ బండ రాయితో తాళం పగులగొట్టి లోపలికి వెళ్లారు. 10 గంటల వరకు కార్యాలయానికి రావాల్సిన అధికారులు రాకపోవడంతో పాటు తాళం తీసేవారు కూడా లేకపోవడం పట్ల ప్రజల నుంచి విమర్శలు వెల్లువెత్తుతున్నాయి.
ఇవీ చూడండి: వైద్యారోగ్య శాఖలో ఖాళీలను భర్తీ చేయండి: భట్టి
