కామారెడ్డి జిల్లా భిక్నూర్ మండల కేంద్రంలో ఆదివారం ఎమ్మార్పీఎస్ నాయకులు రహదారిపైన బైఠాయించి నిరసన తెలిపారు. మండలంలోని తిప్పాపూర్ గ్రామానికి చెందిన కొందరు యువకులు వాట్సాప్ గ్రూపులో ఒక వర్గానికి చెందిన కొందరు అంబేడ్కర్ ఫోటోను డీపీగా పెట్టాలని కోరగా.. అందుకు మిగతావారు నిరాకరించారు. దీనివల్ల వారి మధ్య మాట మాట పెరిగి ఘర్షణకు దిగగా.. తమకు క్షమాపణ చెప్పాలని ఎస్సీ, ఎస్టీ వర్గం వారు కోరారు.
అందుకు వారు నిరాకరించగా ఎమ్మార్పీఎస్ నాయకులు ఆందోళనకు దిగారు. విషయం తెలుసుకున్న పోలీసులు ఘటనాస్థలానికి చేరుకుని వారికి సర్దిచెప్పారు. జరిగిన విషయం తెలుసుకుని బాధ్యులపై కేసు నమోదు చేస్తామని పోలీసులు హామీ ఇచ్చారు.
ఇదీ చూడండి:చైనాను ఆర్థికంగా దెబ్బతీసేలా కేంద్రం పావులు!
