కరోనా నేపథ్యంలో వినాయక చవితి పండగ నిర్వహించాలా వద్దా అనే సందేహం అందరిలో నెలకొంది. ఈ క్రమంలో రాష్ట్రంలో ఎక్కడ లేని విధంగా కామారెడ్డి జిల్లాలోని రాజంపేట మండలం తలమడ్ల గ్రామంలో వినాయక విగ్రహాల ప్రతిష్ఠను నిషేధిస్తూ తీర్మానం చేశారు. గ్రామస్థులంతా ఒకచోట చేరి సమష్టిగా ఈ నిర్ణయం తీసుకున్నారు.
గ్రామంలో ఒక్క మండపం కూడా ఏర్పాటు చేయవద్దని ఏకగ్రీవంగా తీర్మానించారు. ప్రతి ఇంట్లో మట్టి విగ్రహాలు మాత్రమే ప్రతిష్ఠించుకోవాలని, భౌతిక దూరం పాటిస్తూ పూజ కార్యక్రమాలు నిర్వహించుకోవాలని నిర్ణయించారు. కరోనా మహమ్మారి తీవ్రత దృశ్యా ఈ నిర్ణయం తీసుకోవడం జరిగిందని సర్పంచ్ యాదవ రెడ్డి, ఉప సర్పంచ్ శ్రీనివాస్ రెడ్డి తెలిపారు.
ఇవీచూడండి: భారత్ బయోటెక్ ల్యాబ్ను సందర్శించిన మంత్రి కేటీఆర్
