పల్లెప్రగతి పనుల పరిశీలించేందుకు ప్రభుత్వ ప్రధాన కార్యదర్శి సోమేశ్కుమార్ క్షేత్రస్థాయి బాట పట్టారు. కామారెడ్డి జిల్లాలో పర్యటించారు. హైదరాబాద్‌ నుంచి హెలికాప్టర్‌లో వచ్చిన సీఎస్కు అధికారులు స్వాగతం పలికారు. అనంతరం సదాశివనగర్ మండలం తిర్మన్పల్లిలో పల్లెప్రగతి పనుల పరిశీలించారు. కార్యక్రమం వల్ల గ్రామంలో వచ్చిన మార్పుల గురించి అడిగి తెలుసుకున్నారు. గ్రామాల్లో నర్సరీ, మంకీ ఫుడ్ కోర్ట్, డంపింగ్ యార్డు, వైకుంఠ దామాలను పరిశీలించారు.గర్గుల్ గ్రామంలోని వైకుంఠధామంలో ప్రపంచ పర్యావరణ దినోత్సవం సందర్భంగా రావి మొక్క నాటారు. అధికారులను వివరాలు అడిగి తెలుసుకున్నారు.
పలెల్ల రూపురేఖలు మారుతున్నాయి..
సీఎం కేసీఆర్ ఆదేశాల ప్రకారం నేడు మూడు జిల్లాల్లో ఆకస్మిక పర్యటన చేపట్టడం జరిగిందని సీఎస్ తెలిపారు. గ్రామాల్లో చేపట్టిన పారిశుద్ధ్యం, ఇతర పనులను పరిశీలించడం జరిగిందన్నారు. ప్రపంచంలో ఎక్కడ లేని విధంగా తెలంగాణలోని అన్ని గ్రామాలకు రూ.308 కోట్లు నిధులు విడుదల చేయడం ద్వారా పలెల్ల రూపరేఖలు మారుతున్నాయని పేర్కొన్నారు.
కోవిడ్ వల్ల ఆర్థిక ఇబ్బందులు ఉన్నా.. ప్రపంచంలో ఎక్కడ లేని విధంగా అభివృద్ధికి ప్రభుత్వం నిధులు కేటాయిస్తుందని చెప్పారు. గ్రామాల్లో పనులు చాలా ముమ్మరంగా కొనసాగుతున్నాయని, అధికారులను, సర్పంచ్లను సీఎస్ అభినందించారు. ఈ కార్యక్రమంలో కలెక్టర్ శరత్ కుమార్, జాయింట్ కలెక్టర్ యాదిరెడ్డి, గ్రామాల సర్పంచులు, అధికారులు పాల్గొన్నారు.
కాన్వాయ్ అడ్డగింత..
సీఎస్ తిర్మన్‌పల్లి వచ్చారని తెలుసుకున్న గ్రామ రైతు ఒకరు.. తన సమస్యలు చెప్పుకునేందుకు సీఎస్ కాన్వాయ్ను అడ్డుకున్నాడు. గుర్గల్ గ్రామ సమీపంలో సీఎస్ కన్వాయ్కు తన ద్విచక్ర వాహనాన్ని అడ్డుపెట్టాడు. పోలీసులు వారించినా వెనక్కు తగ్గకుండా తాను పడుతున్న ఇబ్బందులను సీఎస్కు విన్నవించుకున్నాడు. సమస్యను పరిష్కరించాలని కలెక్టర్ను సీఎస్ ఆదేశించారు.
ఇవీ చూడండి: భక్తులకు మనవి..ఆలయాల్లో ఇవి పాటించండి..!
