మండల సర్వసభ్య సమావేశంలో సర్పంచ్​ల నిరసన

జోగులాంబ గద్వాల జిల్లా మనపాడు మండల కేంద్రంలో సర్పంచ్​లు ఆందోళన చేపట్టారు. ఎంపీడీవో కార్యాలయంలో జరిగిన సర్వసభ్య సమావేశానికి హాజరైన ప్రజాప్రతినిధులు పెండింగ్​ బిల్లులు చెల్లించాలని నిరసనకు దిగారు.

గ్రామాల్లో చేపట్టిన వైకుంఠధామాలు, డంపింగ్ ​యార్డులు, పారిశుద్ధ్య పనులకు గాను బిల్లులు చెల్లించాలని సర్పంచ్​లు డిమాండ్​ చేశారు. గద్వాల జిల్లా మనపాడు ఎంపీడీవో కార్యాలయంలో ఏర్పాటుచేసిన సర్వసభ్య సమావేశం సందర్భంగా ఆందోళన చేపట్టారు.

ఇసుక కొరత వల్ల గ్రామాల్లో పనులు జరగడం లేదని పేర్కొన్నారు. సమావేశమందిరంలో కింద కూర్చుని నిరసన తెలిపారు. సమావేశానికి హాజరైన జడ్పీఛైర్​పర్సన్​ సరిత... గ్రామ ప్రథమపౌరులకు సర్దిచెప్పారు. వారి డిమాండ్లను ప్రభుత్వం దృష్టికి తీసుకెళ్తామని హామీ ఇచ్చారు.

ఇదీ చూడండి: ఆస్తికోసం తల్లి అంత్యక్రియలకు అడ్డుపడిన పుత్రరత్నం