కాంగ్రెస్​కు అధికారమిస్తే - తెలంగాణ ప్రజల కలల సాకారానికి చిత్తశుద్ధితో కృషి చేస్తాం : ప్రియాంక గాంధీ

Priyanka Gandhi Election Campaign in Gadwal : తెలంగాణకు ఇప్పుడు అత్యంత కీలకమైన సమయం వచ్చిందని.. గత పదేళ్లలో బీఆర్​ఎస్​ ప్రభుత్వం ప్రజలను ఏ విధంగా మోసం చేసిందో ఆలోచించి నిర్ణయం తీసుకోవాలని కాంగ్రెస్​ అగ్ర నాయకురాలు ప్రియాంక గాంధీ ప్రజలను కోరారు. కాంగ్రెస్‌ పార్టీని అధికారంలోకి తీసుకొస్తే.. తెలంగాణ ప్రజలు ఏ కలల కోసం రాష్ట్రాన్ని సాధించుకున్నారో.. ఆ కలలను సాకారం చేయడానికి చిత్త శుద్ధిగా కృషి చేస్తామని తెలిపారు.

Priyanka Gandhi Election Campaign in Gadwal : తెలంగాణ ప్రజలు ఏ కలల కోసం రాష్ట్రాన్ని సాధించుకున్నారో.. బీఆర్​ఎస్​ పదేళ్ల పాలనలో ఆ కలలు కల్లలుగానే మిగిలాయని ఏఐసీసీ ప్రధాన కార్యదర్శి ప్రియాంక గాంధీ విమర్శించారు. కాంగ్రెస్‌ పార్టీని అధికారంలోకి తీసుకొస్తే.. ఆ కలలను సాకారం చేయడానికి చిత్త శుద్ధిగా కృషి చేస్తామని తెలిపారు. జోగులాంబ గద్వాల జిల్లా కేంద్రంలో నిర్వహించిన కాంగ్రెస్‌ విజయ భేరి బహిరంగ సభలో ఆమె పాల్గొని ప్రసంగించారు.

Congress Vijayabheri Public Meeting at Gadwal : ఈ సందర్భంగా తెలంగాణకు ఇప్పుడు అత్యంత కీలకమైన సమయం వచ్చిందని.. గత పదేళ్లలో బీఆర్​ఎస్​ ప్రభుత్వం ప్రజలను ఏ విధంగా మోసం చేసిందో ఆలోచించి నిర్ణయం తీసుకోవాలని ప్రియాంక ప్రజలను కోరారు. బీఆర్​ఎస్​ నాయకులంతా ఫామ్​హౌస్‌లు కట్టుకొని విలాసవంతమైన జీవితాలు గడుపుతూ, ప్రజా సమస్యలను విస్మరించారని ఆరోపించారు. రాష్ట్రంలో ప్రతి ప్రాజెక్టు అవినీతిమయమైపోయిందని, ఈ అవినీతి ద్వారా బీఆర్​ఎస్​ నాయకులు రోజురోజుకూ ధనవంతులుగా మారుతున్నారని ధ్వజమెత్తారు.

విద్యార్థులు ఎన్నో సంవత్సరాలు కష్టపడి చదువుకుంటే.. ప్రశ్నాపత్రాలను లీక్ చేశారని ప్రియాంక ఆగ్రహం వ్యక్తం చేశారు. ల్యాండ్, సాండ్‌, వైన్‌, మైన్‌ మాఫియాలన్నీ రాష్ట్రంలో చెలరేగిపోయాయన్నారు. మళ్లీ అధికారంలోకి వస్తే ధరణి ద్వారా భూములు లాక్కుంటున్నట్లు ఇళ్లు కూడా లాక్కుంటారని ఆరోపించారు. ఈ క్రమంలోనే గద్వాల పక్కనే ఉన్న కర్ణాటకలో.. కొన్ని నెలల క్రితం కాంగ్రెస్‌ ప్రభుత్వం ఏర్పాటైందని ప్రియాంక గుర్తు చేశారు. అక్కడ హామీలుగా ఇచ్చిన 5 గ్యారెంటీలను అమలు పరుస్తున్నామని చెప్పారు. తెలంగాణతో పోలిస్తే కర్ణాటకలో పెట్రోల్, డీజిల్ ధరలు ఎంత ఉన్నాయో కనుక్కోవాలని సూచించారు.

ఎన్నికలు అయిపోయిన తర్వాత బీఆర్​ఎస్​ ప్రభుత్వానికి సంక్షేమం గురించి పట్టింపు ఉండదని ప్రియాంక పేర్కొన్నారు. మళ్లీ ఎన్నికలు వచ్చినప్పుడే ఓట్ల కోసం వచ్చి పోల్‌ మేనేజ్‌మెంట్‌ చేస్తారన్నారు. ఎన్నికలు వస్తే ఇంటింటికీ తిరుగుతూ ప్రచారాలు చేస్తారు కానీ.. ఇబ్బందుల్లో ఉన్నప్పుడు మాత్రం ఎవ్వరూ స్పందించరని మండిపడ్డారు. కాంగ్రెస్‌ పార్టీ ఇచ్చిన 6 గ్యారెంటీలను అమలు చేసి తీరుతామని.. అంబేడ్కర్ అభయ హస్తం కింద ఎస్సీ, ఎస్టీ కుటుంబాలకు రూ.12 లక్షలు అందజేయబోతున్నామన్నారు.

'మాల, మాదిగలు, ఎస్టీల కోసం ప్రత్యేకంగా మూడు కార్పొరేషన్​లు ఏర్పాటు చేసి వారి అభివృద్ధి కోసం ప్రతి కార్పొరేషన్‌లో ఏటా రూ.750 కోట్లు జమ చేస్తాం. దేశంలో బీజేపీ, ఇక్కడ బీఆర్​ఎస్​ కేవలం అధికారంలో ఉండటమే లక్ష్యంగా పెట్టుకున్నాయి. ఈ ఎన్నికల్లో ఓటు వేసే ముందు ఒకసారి ఆలోచించి ఓటు వేయాలి' అని ప్రియాంక గాంధీ ప్రజలకు విజ్ఞప్తి చేశారు.