కరోనా సాకుతో మాస్కులు, శానిటైజర్లు అధిక ధరలకు విక్రయిస్తే మందుల దుకాణ యజమానులపై చర్యలు తీసుకుంటామని పోలీసు అధికారులు హెచ్చరించారు. వాటిని అధిక ధరలకు విక్రయిస్తున్నారనే సమాచారంతో జోగులాంబ గద్వాల జిల్లా అలంపూర్లోని పలు మందుల దుకాణాలను శాంతినగర్ సీఐ సిబ్బందితో కలిసి తనిఖీ చేశారు.
వడ్డేపల్లి, ఐజ, అలంపూర్ మున్సిపాలిటీ పరిధిలోని మందుల దుకాణాల్లో తనిఖీ చేసి ధరలపై ఆరా తీశారు. మాస్కులు, శానిటైజర్లు ఎక్కువ ధరకు విక్రయించినా, నిల్వ చేసినా కఠిన చర్యలు తప్పవని హెచ్చరించారు.
'కరోనా సాకుతో సొమ్ము చేసుకోవాలని చూస్తే చర్యలు తప్పవు'
