రైతులకు అందుబాటులో ఉంటూ వారు తీసుకొచ్చిన ఉత్పత్తులను విక్రయించడంలో ఎలాంటి అసౌకర్యాలు కలగకుండా చూడాలని మార్కెట్ నూతన అధికార బృందానికి ఎమ్మెల్యే బండ్ల కృష్ణమోహన్ రెడ్డి సూచించారు. జోగులాంబ గద్వాల జిల్లా గద్వాల వ్యవసాయ మార్కెట్ నూతన ఛైర్పర్సన్గా రామేశ్వర్ అమ్మ, వైస్ ఛైర్మన్గా వాకిట్ల సంజీవులు, డైరెక్టర్ల ప్రమాణ స్వీకార కార్యక్రమానికి ఆయన హాజరయ్యారు.
మార్కెట్ ఛైర్పర్సన్గా తనకు అప్పగించిన బాధ్యతలు సక్రమంగా నిర్వహిస్తానని రామేశ్వర్ అమ్మ అన్నారు. అనంతరం హరితహారం కార్యక్రమంలో భాగంగా వ్యవసాయ మార్కెట్ యార్డ్ ఆవరణంలో మొక్కలు నాటారు. కార్యక్రమంలో మున్సిపల్ ఛైర్మన్, తెరాస నాయకులు, కార్యకర్తలు పాల్గొన్నారు.
ఇదీ చూడండి: జూరాలకు కొనసాగుతున్న వరద... 44గేట్లు ఎత్తివేత
