జోగులాంబ గద్వాల జిల్లాలోని జూరాల జలాశయానికి ఎగువన ఉన్న మహారాష్ట్ర, కర్ణాటక ప్రాజెక్టుల నుంచి భారీగా వరద నీరు చేరుతోంది. ఎగువ ఉన్న ప్రాజెక్టుల నుంచి జూరాలకు లక్షా 58 వేల క్యూసెక్కులు వస్తోంది. ప్రాజెక్టు నుంచి దిగువకు 17 గేట్లు తెరిచి లక్షా 45 వేల 150 క్యూసెక్కుల నీటిని విడుదల చేస్తున్నారు.
ప్రాజెక్టు పూర్తి నీటి మట్టం 1,045 అడుగులు కాగా... ప్రస్తుత నీటిమట్టం 1,043 అడుగులుగా ఉంది. పూర్తి నీటిమట్టం 9.657 టీఎంసీలకుగానూ... ప్రస్తుతం 8.611 టీఎంసీల నీటిని ప్రాజెక్టులో నిల్వ ఉంచారు. వచ్చిన నీటిని వచ్చినట్లు దిగువకు వదులుతున్నారు.
ఇవీ చూడండి: ఇవాళ, రేపు, ఎల్లుండి తేలికపాటి నుంచి భారీ వర్షాలు
