అల్లంత దూరాన అలల సవ్వడులు.. చల్లని పిల్ల గాలులు.. కళ్లార్పకుండా చూద్దామనేంత ప్రకృతి సౌందర్యం.. ఇవన్నీ జోగులాంబ గద్వాల జిల్లాలోని ప్రియదర్శని జూరాల ప్రాజెక్టు సొంతం. గద్వాల దగ్గల్లో ఇంత మంచి ప్రాంతముందా.. ఐతే మనమూ ఓసారి వెళ్లోచ్చేద్దాం అనుకుంటే మాత్రం కొన్ని అవస్థలు పడాలి మరి. ఇక్కడ పేరుకే పర్యటక ప్రాంతం కానీ కూర్చుందామంటే కుర్చీలుండవ్. తాగుదామంటే మంచి నీరు దొరకదు. కనీసం నిలువ నీడ దొరకని పరిస్థితి. పాలకులు, అధికారుల అలసత్వమే ఇందుకు కారణం.
11 టీఎంసీల సామర్థ్యంతో 1981లో ప్రాజెక్టు నిర్మాణానికి శంకుస్థాపన చేశారు. 1996లో ప్రాజెక్టు పూర్తయింది. రోజూ వందలాది మంది పర్యటకులు ప్రాజెక్టును చూసేందుకు సుదూర ప్రాంతాల నుంచి తరలివస్తున్నారు. ప్రస్తుతం జూరాలకు వరద తాకిడి మొదలైనందున ఇతర రాష్ట్రాల నుంచి సందర్శకుల తాకిడి పెరిగింది. కానీ వసతుల లేమి పర్యటకులని అవస్థలకు గురిచేస్తుంది.
