జోగులాంబ గద్వాల జిల్లాలో కరోనా పాజిటివ్ కేసుల సంఖ్య క్రమంగా పెరుగుతూ ఉంది. తాజాగా విడుదల చేసిన హెల్త్ బులిటెన్ లో మరో 10 పాజిటివ్ కేసులు నమోదైనట్లుగా రాష్ట్ర వైద్యారోగ్యశాఖ వెల్లడించింది. 10 కేసుల్లో ఏడు గద్వాల పట్టణానికి చెందినవి కాగా... రెండు అయిజ, ఒకటి ఆలంపూర్ మండలంలో నమోదైంది. మొత్తం 42 కేసుల్లో 29 కేసులు గద్వాల పట్టణంలోనే నమోదు కావడం పరిస్థితి తీవ్రతకు అద్దం పడుతోంది.
జిల్లాలో 570 మందికి కరోనా పరీక్షలు నిర్వహించగా.. 502 మందికి కరోనా లేదని తేలింది. మరో 30 మంది ఫలితాలు తేలాల్సి ఉంది. ప్రభుత్వం నియమించిన ప్రత్యేకాధికారి రొనాల్డ్ రోస్ జిల్లాలో పరిస్థితిపై అధికారులతో సమీక్షించారు. కంటైన్ మెంట్ జోన్లలో కట్టడి, అనుమానితుల గుర్తింపు, క్వారంటైన్ చేసే విధానంపై జిల్లా అధికారులకు కీలక సూచనలు చేశారు. మహబూబ్నగర్, నారాయణపేట, నాగర్కర్నూల్ జిల్లాల్లో కొత్త కేసులేవీ నమోదు కాలేదు.
ఇదీ చూడండి: 'ఆర్థిక సాయం చేయకుంటే.. కరోనాపై విజయమెలా?'
