ఆ బాబుకు 24 వేళ్లు..

జోగులాంబ గద్వాల జిల్లాలో ఓ వింత సంఘటన చోటుచేసుకుంది. అప్పుడే పుట్టిన ఓ పిల్లాడికి 24వేళ్లు ఉండటం పలువురిని ఆశ్చర్యానికి గురిచేసింది.

సాధారణంగా మానవుని చేతికి ఐదు వేళ్లు మాత్రమే ఉంటాయి. కొంతమందికి 6 కూడా ఉంటాయి. మెుదటి కాన్పులో అప్పుడే పుట్టిన ఈ బాబుకు మాత్రం... కాళ్లకు, చేతులకు కలిపి మొత్తం 24 వేళ్లు ఉండటం ఆశ్చర్యానికి గురి చేసింది. ఈ వింత ఘటన జోగులాంబ గద్వాల జిల్లాలో చోటుచేసుకుంది.

ఆలూరు గ్రామానికి చెందిన సరోజ, నవీన్ దంపతులకు మొదటి కాన్పులోనే పండంటి బాబుకు జన్మినిచ్చారు. ఆ పిల్లాడి చేతులు, కాళ్లకు 6 చొప్పున మొత్తము 24 వేళ్లతో జన్మించాడు. ఈరోజు ఉదయం తెల్లవారుజామున సాధారణ కాన్పులో జన్మించిన ఈ బాబును చూసేందుకు ఆసుపత్రి చుట్టుపక్కల ప్రాంతాల వారు తరలివచ్చారు.

ఇదీ చదవండి: 'ప్రజా గొంతుక వినిపిస్తా'