ఉరివేసుకొని యువకుడి ఆత్మహత్య

ఓ యువకుడు ఉరి వేసుకొని ఆత్మహత్య చేసుకున్న ఘటన జోగులాంబ గద్వాల జిల్లా పుల్లూరు శివారులో చోటుచేసుకుంది. అతని ఫోన్​ ఆధారంగా వనపర్తి జిల్లా నరసింహారావుపల్లికి చెందిన ప్రవీణ్​గా గుర్తించారు.

జోగులాంబ గద్వాల జిల్లా ఉండవెల్లి మండలం పుల్లూరు గ్రామ శివారులో గుర్తు తెలియని యువకుడు ఉరివేసుకొని ఆత్మహత్య చేసుకున్నాడు. గ్రామ సర్పంచి సమాచారం మేరకు పోలీసులు వెళ్లి విచారించారు. అక్కడ ఉన్న ఫోన్​ ఆధారంగా వనపర్తి మండలం నరసింహారావుపల్లికి చెందిన ప్రవీణ్​గా గుర్తించినట్టు తెలిపారు. కుటుంబసభ్యల ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్టు ఎస్సై తెలిపారు. మృతునికి భార్య, నాలుగేళ్ల కూతురు ఉన్నట్టు వివరించారు. పోస్టుమార్టం నిమిత్తం మృతదేహాన్ని అలంపూర్​ ప్రభుత్వాసుపత్రకి తరలించారు.

ఇదీ చదవండి:ఫోన్​ కోసం మడుగులోకి దిగి నలుగురు చిన్నారులు మృతి