గద్వాలలోని నాలుగు మండలాల్లో ప్రశాంతంగా పోలింగ్

జోగులాంబ గద్వాల జిల్లాలోని నాలుగు మండలాల్లో పోలింగ్ ప్రశాంతంగా కొనసాగుతోంది. ఓటర్లకు ఇబ్బంది కలుగకుండా అధికారులు పటిష్ఠ చర్యలు తీసుకుంటున్నారు.

జోగులాంబ గద్వాల జిల్లాలో రెండో విడత ప్రాదేశిక ఎన్నికలు ప్రశాంతంగా కొనసాగుతున్నాయి. జిల్లాలోని మల్దకల్, ఐజ, వడ్డేపల్లి, రాజోలి మండలాల్లో ఎంపీటీసీ, జడ్పీటీసీ స్థానాలకు గాను రెండో విడత ఎన్నికలు నిర్వహిస్తున్నారు. నాలుగు జడ్పీటీసీ స్థానాలకు 41 మంది అభ్యర్థులు బరిలో ఉండగా... 47 ఎంపీటీసీ స్థానాలకు 313 మంది బరిలో ఉన్నారు. మొత్తం 234 పోలింగ్ స్టేషన్లు, 1664 మంది సిబ్బందిని అధికారులు నియమించారు.