కాళేశ్వరం పనులు పరిశీలించిన స్మిత సబర్వాల్

కాళేశ్వరం ప్రాజెక్టు పనులు వేగంగా పూర్తి చేయాలని సీఎంవో కార్యదర్శి స్మిత సబర్వాల్​ అధికారులను ఆదేశించారు. భూపాలపల్లి జిల్లా మహాదేవపూర్​ మండలం మేడిగడ్డ వద్ద నిర్మిస్తున్న బ్యారేజిని పరిశీలించారు.

సీఎంవో కార్యదర్శి స్మిత సబర్వాల్​ కాళేశ్వరం ప్రాజెక్టు పనులను పరిశీలించారు. నిర్మాణం వేగంగా పూర్తి చేయాలని ఇంజినీరింగ్​ అధికారులను ఆదేశించారు. ముందుగా భూపాలపల్లి జయశంకర్ జిల్లా మహాదేవపూర్​ మండలం మేడిగడ్డలో నిర్మిస్తున్న బ్యారేజి పనులు పరిశీలించారు. ఇప్పటి వరకు 40 గేట్లు పూర్తయ్యాయని ఇంకా 18 గేట్ల బిగింపు పనులు కొనసాగుతున్నాయని అధికారులు వివరించారు.

కన్నెపల్లి పంపుహౌస్​

అనంతరం కన్నెపల్లి పంపుహౌస్​కు చేరుకొని పనులు పర్యవేక్షించారు. పంపుహౌస్ నుంచి అన్నారం బ్యారేజి వరకు జరుగుతున్న 13.5 కిలోమీటర్ల గ్రావిటీ కెనాల్ పనులను పరిశీలించారు. పంపుహౌస్​లో మోటార్ల బిగింపు త్వరగా పూర్తి చేయాలని సూచించారు. గత పర్యటనకు ముందు, ప్రస్తుతం ఏ మేరకు పనులు జరిగాయే అధికారులను అడిగి తెలుసుకున్నారు. ఈ కార్యక్రమంలో ప్రాజెక్టు సీఈ వెంకటేశ్వర్లు, జిల్లా కలెక్టర్ వాసం వెంకటేశ్వర్లు పాల్గొన్నారు.

ఇవీ చూడండి:"మోదీ ప్రధాని కాదు... దొంగలకు చౌకీదార్"