Police explanation in case of Rakshita suicide: రక్షిత ఆత్మహత్యకు కారణం ర్యాగింగ్ కాదని ఇన్స్పెక్టర్ మల్లేశం క్లారిటీ ఇచ్చారు. సామాజిక మాధ్యమాల్లో వైరల్ అవుతున్న విషయాలు తప్పు అని చెప్పారు. ఇన్స్పెక్టర్ మల్లేశం తెలిపిన వివరాల ప్రకారం.. మృతురాలికి పరిచయమున్న రాహుల్, జశ్వంత్ వేధింపుల కారణంగానే రక్షిత ఆత్మహత్య చేసుకుందని వారి తల్లిదండ్రులు పోలీస్ స్టేషన్లో ఫిర్యాదు చేశారు. పోలీసులు వారి ఇద్దిరిపై కేసు నమోదు చేసుకుని, ఆత్మహత్యకు కారణాలు ఏమిటి? అనే కోణంలో దర్యాప్తు చేస్తున్నారు. కొంత మంది సామాజిక మాధ్యమాల్లో ర్యాగింగ్ అని ప్రచారం చేస్తున్నారు. అది తప్పుడు సమాచారమని స్పష్టం చేశారు.
కాలేజ్కి, నిందితులకి ఎటువంటి సంబంధం లేదు. వాళ్లు ఆ కాలేజ్లో చదవట్లేదని తెలిపారు. పోలీసులు కొన్ని బృందాలుగా విడిపోయి నిందితులని వెతుకుతున్నామని చెప్పారు. వారిపై గతంలో కూడా ఇలాంటి కేసులు ఉన్నాయా? లేదా? అని ఆరాతీస్తున్నామని అన్నారు. భూపాలపల్లి పోలీసులను సంప్రదించామని.. ఏమైనా కేసులు ఉన్నాయని తెలిస్తే కఠిన చర్యలు తీసుకుంటామని తెలిపారు. ఈ కేసులో నిజనిజాలు ఇంకా తెలియాల్సి ఉంది.
అసలు ఏమి జరిగిందంటే..: భూపాలపల్లికి చెందిన పబ్బోజు రక్షిత వరంగల్ జిల్లా నర్సంపేటలోని ఓ ప్రైవేట్ ఇంజినీరింగ్ కళాశాలలో ఈసీఈ మూడో సంవత్సరం చదువుతోంది. ఆమె పదోతరగతి చదువుతున్నప్పుడు పరిచయమైనా రాహుల్ గతంలో దిగిన చిత్రాలను సామాజిక మాధ్యమాల్లో పెడతానని భయభ్రాంతులకు గురిచేశాడు. ఈ విషయాన్ని రక్షిత కుటుంబ సభ్యులకు చెప్పగా, వారు స్థానిక పోలీసులను ఆశ్రయించారు. రాహుల్‌కు పోలీసులు కౌన్సెలింగ్ ఇచ్చారు. అయినా అతడిలో ఏ మాత్రం మార్పు రాలేదు. ఇటీవల రాహుల్ వేధింపులు ఇంకా శ్రుతి మించడంతో ఆమె ఆత్మహత్యకు పాల్పడింది.
ఆందోళన చేస్తున్న స్థానికులు: మొదటిసారే నిందితులపై వేధింపులకు గురిచేస్తున్నారని ఫిర్యాదు చేసినప్పుడు పోలీసులు కౌన్సెలింగ్ మాత్రమే ఇచ్చి వదిలేశారని స్థానికులు అంటున్నారు. ఆ సమయంలోనే కఠిన చర్యలు తీసుకుంటే పరిస్థితి ఇలా వచ్చేది కాదని వాపోయారు. కఠిన చర్యలు తీసుకోలేనందునే రక్షిత ప్రాణాలు పోయాయని విచారిస్తున్నారు.
ఇవీ చదవండి:
