గుడుంబా స్థావరాలపై దాడులు చేస్తున్న అధికారులపై స్థానికులు దాడి చేసిన ఘటన జయశంకర్ భూపాలపల్లి జిల్లా మల్హర్ మండలం అడ్వాలపల్లిలో జరిగింది. జిల్లాను గుడుంబా రహితంగా తీర్చిదిదేందుకు రెవెన్యూ, పోలీస్, ఎక్సైజ్ శాఖలు సంయుక్తంగా గుడుంబా స్థావరాలపై దాడులు చేయాలని కలెక్టర్ ఆదేశించారు. దీనిలో భాగంగా ప్రభుత్వం చేపట్టిన అభివృద్ధి, సంక్షేమ పథకాలపై "రియల్ చెక్ "కార్యక్రమాన్ని రూపొందించారు.
ఈ నేపథ్యంలో అడ్వాలపల్లిలో గుడుంబా తయారు చేస్తున్నారన్న సమాచారంతో మల్హర్ తహసీల్దారు శ్రీరాముల శ్రీనివాస్, కాటారం ఎక్సైజ్ సీఐ మాటేటి ప్రశాంతి... సిబ్బందితో కలిసి సోదాలు చేయడానికి వెళ్లారు. గ్రామంలోని ఓ ఇంట్లో గుడుంబా నిల్వ ఉందనే అనుమానంతో ఇంటి తాళం తెరుస్తుండగా గ్రామానికి చెందిన కొందరు వ్యక్తులు దుర్భాషలాడుతూ తమపై భౌతికంగా దాడి చేసి... సెల్ఫోన్లు లాక్కొన్నారని ఎక్సైజ్, రెవెన్యూ అధికారులు పోలీసులకు ఫిర్యాదు చేశారు.
ఇదీ చూడండి: పెట్రోల్ బంక్ వద్ద ఘర్షణ.. సీసీ కెమెరాల్లో రికార్డు
